Елдос Сметов жылдың үздік спортшысы атанды

Париж олимпиадасында Қазақстан құрамасына дзюдодан жалғыз алтынды сыйлаған Елдос Сметов жылдың ең үздік спортшысы атанды, деп хабарлайды Skifnews.kz ақпарат порталы.

Туризм және спорт министрлігі "Үздік" спорттық премиясында Елдос Сметовті 2024 жылдың үздік спортшысы деп таныса, оның жеке бапкері Ғалымжан Жылгелдиевті биылғы үздік жаттықтырушы ретінде марапаттады. Сондай-ақ дзюдо федерациясының президенті Қуанышбек Есекеев 2024 жылдың үздік федерация президенті ретінде құрметке бөленді.

Айта кетейік, Франция астанасында өткен олимпиада ойындарында Қазақстан спортшылары 7 медаль иеленді. Оның ішінде 1 алтын, 3 күміс, 3 қола медаль бар. 60 келіде белдескен Сметов барлық кездесуінде жеңіске жетіп, олимпиада чемпионы ғана атанып қоймай, Қазақстан құрамасының қоржынына жалғыз алтын жүлдені салған еді.