«Жарайсың, бауырым»: Басы дауға қалған Черчесов қазақ тілінде жазба жариялады

Футболдан Қазақстан ұлттық құрамасының бапкері Станислав Черчесов желідегі парақшасында қазақ тілінде жазба жариялады, деп хабарлайды Skifnews.kz ақпарат порталы.

Черчесов Instagram парақшасында Қазақстан құрамасының шабуылшысы Абат Айымбетовты “Адана Демирспор” футбол клубының қатарында соққан үшінші голымен құттықтады.

“Ойыншыларымыздың еуропалық чемпионаттардағы жетістіктерін ұдайы бақылап отырам. Кеше шабуылшы Абат Айымбет Түркиядағы чемпионатта "Адана Демирспор" үшін гол салды. Бұл оның үшінші матчтағы үшінші голы. Міне бүгін Абатқа қоңырау соғып, жетістігімен құттықтадым. Осы қарқынды төмендетпеуіне тілектестік білдірдім. Ол дарынды жігіт, болашағы алда. Жарайсың, бауырым!”, – делінген жазбада.