Бибісара Асаубаева АҚШ-тағы беделді турнирді тең нәтижемен бастады

Қазақстандық шахматшы Бибісара Асаубаева АҚШ-тың Сент-Луис қаласында өтіп жатқан Cairns Cup 2026 супертурниріндегі алғашқы партиясын тең нәтижемен аяқтады, деп хабарлайды Sn.kz ақпарат порталы.

Әлемдік рейтингте бесінші орында тұрған Асаубаева бірінші турда Украина өкілі, FIDE рейтингінде жетінші сатыдағы Анна Музичукпен кездесті. Қара түспен ойнаған қазақстандық шахматшы қарсыласымен тең түсіп, партияны ұпай бөлісумен аяқтады.

Асаубаеваның алдағы турлардағы қарсыластары белгілі:

• 11 тамыз – Рамешбабу Вайшали (Үндістан);
• 12 тамыз – Элис Ли (АҚШ);
• 13 тамыз – Ставрула Цолакиду (Грекия);
• 14 тамыз – Хампи Конеру (Үндістан);
• 15 тамыз – демалыс күні;
• 16 тамыз – Тань Чжунъи (Қытай);
• 17 тамыз – Карисса Йип (АҚШ);
• 18 тамыз – Дивья Дешмух (Үндістан);
• 19 тамыз – Александра Костенюк (Швейцария).

Айта кетейік, Cairns Cup – әйелдер шахматындағы беделді жарыстардың бірі. Биылғы турнирдің жүлде қоры 250 мың долларды құрайды.