Спорт 08.06.2017 сағат 04:31  579

Головкин-Альварес жекпе-жегінің билеттері 1500 доллардан сатылады

Биыл қыркүйек айында Лас-Вегаста өтетін Головкин-Альварес жекпе-жегінің билеттері қаншадан сатылатыны анықталды. Hoylosangeles.com порталының жазуынша, аталған бокс кешінің ең қымбат билеттері 1500 долларға дейін шарықтайды.

Ең қымбат билетті сатып алғандар рингтің жанындағы қатардан орын алады. Ал, аренаның ең жоғарғы қабаттарында отырамын деушілер үшін 100-200 долларға шығындалуға тура келеді. Билеттер алдағы екі аптадан кейін сатылымға түседі деп күтілуде.

Айта кетейік, көптен күткен жылдың бокс кеші 16 қыркүйек күні Лас-Вегастағы T-Mobile аренасында өтеді. Бұл жекпе-жекте Геннадий Головкиннің WBC, WBA (Super), IBF және IBO чемпиондық белбеулері сарапқа салынбақ. Головкин жеңген жағдайда өз белбеулерін қорғаумен қатар мексикалық боксшыға тиесілі The Ring журналының белбеуін де иемденеді.

Соңғы жаңалықтар