Бокс королі Мұхаммед Әли қайтыс болды

Мұхаммед Әли - кәсіпқой бокста аса ауыр салмақта өнер көрсеткен әлемдегі ең даңқты спортшылардың бірі. Өз заманының ең мықты боксшыларын жеңіп, өзіндік бокс стилін қалыптастырған Әлиге спорт сарапшылары мен жанкүйерлері "бокс королі" деген мәртебе берген.

Әлидің азан шақырып қойған аты Кассиус Клей болған. Кәсіпқой бокстағы алғашқы жетістіктерінен кейін ол ислам дінін қабылдап, аты-жөнін Мұхаммед Әли деп ауыстырды.

Әли 1960 жылы Римде өткен жазғы Олимпиада ойындарының чемпионы. 1964-1966, 1974-1978 жылдар аралығында кәсіпқой бокстан әлемнің абсолютті чемпионы, бес рет "Жыл боксшысы" атанған. Кәсіпқой бокс рингінде 61 кездесу өткізіп, 56-да жеңіске жеткен (37-і нокаутпен).