$ 480.55 € 533.75 ₽ 5.36
Кәсіпқой бокстан орта салмақтағы әлем чемпиондары Геннадий Головкин мен Дэниел Джейкобс 10 желтоқсан күні өзара жекпе-жек өткізуі мүмкін. Бұл туралы BoxingScene.com порталы хабарлап отыр.
10 желтоқсан күні Сауль "Канело" Альварес кезекті жекпе-жегін өткізуі тиіс болатын. Оның командасы HBO телеарнасымен келісіп те қойған. Алайда, Лиам Смитпен болған кездесуде Альварестің жарақат алып қалуына байланысты бұл жекпе-жек өтпеуі мүмкін. Ал, миллиондаған долларға жоспарланған бокс кеші құрдымға кетпес үшін HBO Головкин мен Джейкобсқа ұсыныс жасады. Кейбір мәліметтерге сүйенсек, америкалық боксшы GGG-мен кездесу үшін HBO телеарнасынан 3 миллион доллар сұраған.
Егер қос боксшы келісімін берсе бокс кеші Нью-Йоркте өтуі мүмкін. Өйткені, екеуі осынау қалада аса танымал. Madison Square Garden мен Barclays Center ареналары да 10 желтоқсанда бос тұр деп жазады BoxingScene.com.
