Геннадий Головкин Гиннестің рекордтар кітабына енді

Орта салмақтағы әлем чемпионы нокауттық көрсеткішінің аса жоғары болуына байланысты аталған кітапқа енген. Ол жекпе-жектерінің 91,67 пайызын уақытынан бұрын аяқтапты. Қазіргі таңда Г.Головкин WBA (Super), IBF, IBO және WBC чемпиондық белбеулерінің иегері. Шаршы алаңға 36 рет шыққан қазақстандық боксшы барлық кездесуінде жеңіске жетіп, 33-ін нокаутпен аяқтаған.

Рекордтық сертификат Головкинге кеше WBC ұйымының жыл сайынғы конвенциясы кезінде салтанатты түрде тапсырылды. Сондай-ақ, қазақстандық боксшыға бұл кеште тағы екі марапат тапсырылды. Олардың бірі - Головкин мен Брук жекпе-жегінің жыл кездесуі атануы болса, екіншісі - Головкиннің үстемдігі үшін берілген марапат.