ШҚО-да полицей күдіктіні азаптап, қылмысты мойнына ілмек болған

Шығыс Қазақстан облыстық соты үш полиция қызметкеріне қатысты үкімді өзгеріссіз қалдырды. Олар күдікті адамды азаптағаны үшін сотталған деп хабарлады облыстық прокуратураның баспасөз қызметі.

Сот криминалды полиция бөлімінің жедел уәкілдері полиция учаскесінің қызметтік бөлмесінде күдіктіні азаптағаны анықталған. Полицейлер ер адамды ауыр дене жарақаттарын салу қылмысын мойындатпақ болған.

Экс-полицейлерге қатысты істі тергеуді процессуалдық прокурордың қатысуымен мамандандырылған прокуратура жүргізді. Процесс барысында мемлекеттік айыптаушы сотталушыларды кінәлі деп тануын сұраған.

Сот шешімімен Болатбеков пен Бакенбаев 3 жыл 6 айға сотталды, жазасын қылмыстық-атқарушылық жүйенің қауіпсіздігі орташа мекемесінде өтейді. Бұдан бөлек, 3 жылға мемлекеттік қызметте жұмыс істеу құқығынан айырылды. Купанов болса 3 жылға бостандығынан айырылды, жазасын қауіпсіздігі орташа мекемеде өтейді.

Шығыс Қазақстан облыстық сотының қылмыстық істер бойынша апелляциялық алқасы күдіктіні азаптағаны үшін сотталған Риддер АІІБ-нің үш қызметкеріне қатысты бірінші сот сатысының осынау үкімін өзгеріссіз қалдырды.

Дереккөз: sputniknews.kz