Заң 10.03.2018 сағат 07:09

«Қолдан келсе қонышынан бас»: СҚО-да жемқорлықпен әбден аты шыққан экс-директор тағы да басшылық қызметке тағайындалды

Солтүстік Қазақстанда бұрын екі рет жемқорлық жасаған мектеп директоры тағы да білім беру мекемесінде басқарушы лауазымды иеленді.

Бөлісу
Бөлісу
Бөлісу

Он жыл бұрын Асқар Хамзин Солтүстік Қазақстан облысы Шал Ақын ауданында №3 Смирнов орта мектебінде директор қызметін атқарған. Сол кезде оқушыларға үйінің қарын күретіп, бақшасының шөбін жұлғызған, отын жарғызған. Прокуратура тексеруі барысында оқушылардың тамағына заңсыз ақша жинағаны анықталыпты. Хамзин жемқорлық заңын бұзғаны үшін жұмыстан шығарылған болатын, деп жазады Петропавловск News басылымы.

Кейінірек Афанасьев ауылдық округының әкімі болып орналасыпты. Әкімнің арнайы тексеруден қалай өткені беймәлім. Жаңа орнында да жемқорлық әрекетін жалғастырады. Төрт жыл бұрын Хамзинге отын керек болғанда, қол астындағыларды орманға жіберіпті. Қызметкерлердің бірін ара шағып алып, ер адам анафилактикалық шоктан оқиға орнында көз жұмған.

Тәртіптік кеңес әкімді жұмыстан қууға шешім шығарады.

Сөйтіп, Хамзин сот арқылы лауазымын қайтарып алғысы келеді. Бірақ мектептегі шуға байланысты бұрынғы әкімнің мемлекеттік қызметті атқара алмайтыны белгілі болған.

Соған қарамастан, Хамзин тағы да мектеп басшысы болып шыға келді. Көрші Айыртау ауданы "Нижнебурлуский комплекс школа-ясли-сад" ҰММ директоры қызметіне тағайындалған екен. Басшылық ешқандай тексеру жүргізбепті.

Құқықбұзушылықты әшкерелеуге Солтүстік Қазақстан облысы мемлекеттік қызмет істері және сыбайлас жемқорлыққа қарсы іс-қимыл департаменті басшысы Ғалым Тұрсынбаев көмектесті.

Ақыры Асқар Хамзинді үшінші рет жұмыстан шығарған. Ал мектеп директорына қатысты жеке ақпаратты тексермеген білім беру бөлімінің басшысы әкімшілік жауапкершілікке тартылуы мүмкін.

Дереккөз: Sputniknews.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар