Астанада араққа тойып алған әке 11 жастағы қызын сабап тастаған

Мас әкесі соққыға жыққан 11 жастағы қыздың жағдайы тұрақты. Бұл жайында Астана қалалық денсаулық сақтау басқармасынан мәлім етті.

Ведомство мәліметінше, 10 наурыз күні кешкі сағат 21-25-те №2 қалалық балалар ауруханасына анасымен бірге 11 жастағы қыз бала келген.

«Анасының айтуынша, қызды мас әкесі соққыға жыққан. Баланы №2 қалалық балалар ауруханасының нейрохирургі тексеріп, бас миы шайқалу диагнозымен нейрохирургия бөлімшесіне жатқызылды. Қазіргі уақытта баланың жағдайы тұрақты, стационарлық ем алуын жалғастырып жатыр», — делінген денсаулық сақтау басқармасы таратқан мәліметте.

Дереккөз: ҚазАқпарат