ОҚО Мемлекеттік кірістер департаменті басшысының орынбасары жемқорлық жүйе жасаған деп айыпталуда

ОҚО бойынша Мемлекеттік кірістер департаменті басшысының орынбасары жемқорлық жүйе түзіп, қылмыстық әрекеттер жасады деп айыпталуда. Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметі хабарлады.

"Сыбайлас жемқорлыққа қарсы іс-қимыл ұлттық бюросы Оңтүстік Қазақстан облысы бойынша Мемлекеттік кірістер департаменті басшысының орынбасары Н.С.Теңлібаев жемқорлықпен айналысқаны үшін ұсталды. Ол өзіне қарасты 4 кедендік бекеттің басшыларын тарту арқылы қылмыстық жүйе құрып, жүйелі түрде кәсіпкерлерден пара алып отырған. Бұл ақша үшін олар кәсіпкерлерді "қамқорлығына алған", - делінген аталған хабарламада.

Анықталғандай, 2017-2018 жылдар аралығында аталған қылмыстық жүйе арқылы 1,2 миллион доллар көлемінде пара алынған. Теңлібаев болса қазір қамауға алынып, оның үстінен ҚР Қылмыстық кодекстің 128-бабы бойынша іс қозғалды.