$ 448.89 € 477.93 ₽ 4.76
Елордада экологиялық полиция бөлімінің қызметкерлері қала сыртына рұқсатсыз қоқыс төгу фактілерін анықтау мақсатында рейд жүргізуде. Қала сыртына құрылыс қалдықтарын шығаратын кәсіпорындар мен қала тұрғындары әкімшілік жауапкершілікке (55 560 теңге айыппұл) тартылады, деп хабарлайды Skifnews.kz ақпарат порталы, қала әкімдігінің ресми сайтына сілтеме жасап.
Сөйтіп, 2020 жылдың басынан абаттандыру ережелерін бұзған 2 мыңнан астам құқық бұзушыға (құрылыс компаниялары, KSK, ЖШС және т.б.) 36 млн теңге айыппұл салынған.
«Рұқсат етілмеген полигондармен күрес жүргізудеміз. Қазір біз жаңа «Нұрлы жол» вокзалының артындамыз. Мұнда үлкен іргетас шұңқыры бар. Біз кейбір құрылыс компаниялары мен пәтерлерінде жөндеу жүргізетін адамдар түнде мұнда заңсыз қоқыс шығаратынын көріп отырмыз.
Шаралар қабылдаймыз. Мұны қадағалайтын экологиялық полиция бар. Олар бұл жұмысты жақсы атқаруда. Құрылыс маусымы басталды, заңсыз қоқыс шығару фактілері көбейді.
Заңға сәйкес, олар құрылыс қалдықтарын мамандандырылған экологиялық полигонға апаруы керек. Ол Павлодар тас жолы бойымен Алаш тас жолында орналасқан. Олар құрылыс қалдықтарын өңдейтін жерге апаруы тиіс. Тазалық мәдениетін қалыптастыру керек», – деді елорда әкімінің орынбасары Алтынбек Қайсағалиев.
Бұған дейін елорда әкімі Алтай Көлгінов экологиялық полиция мен аудан әкімдеріне ескерту жасап, құрылыс қалдықтарының заңсыз шығарылуын болдырмауға және құрылыс қалдықтарын шығару орнын анықтауға тапсырма берген болатын.
