Заң 03.08.2020 сағат 00:20

Алматы полициясы бір тәулікте 56 мотоциклшіге айыппұл салды

«Әсіресе, қала жолдарының бойында орналасқан үйлердің тұрғындарынан жылдам жүру, айқайлау және резонаторлардың жұмысына наразылық білдіретін көптеген өтініштер түседі», – дейді Алматы қалалық ПД Жергілікті полиция қызметі басқармасының бастығы.
Алматы полициясы бір тәулікте 56 мотоциклшіге айыппұл салды
Бөлісу
Бөлісу
Бөлісу

Алматы қаласының Полиция департаменті бұл күндері қалада мотоцикл көлігінің жүргізушілері, сондай-ақ, резонаторлары бар автокөліктердің құқық бұзушылықтарын анықтауға бағытталған жедел-алдын алу шарасы жүргізіліп жатқанын еске салды, деп хабарлайды Polisia.kz.

«Бұл рейдтік шаралар ең алдымен жолдағы жағдайды тұрақтандыруға, жазатайым оқиғаларды азайтуға және азаматтардың тыныштығын қамтамасыз етуге бағытталғанын атап өткім келеді. Әсіресе, қала жолдарының бойында орналасқан үйлердің тұрғындарынан жылдам жүру, айқайлау және резонаторлардың жұмысына наразылық білдіретін көптеген өтініштер түседі.

Айтпақшы, олардың ішінде қарт адамдар мен кішкентай балалары бар азаматтар бар. Осы факторлардың барлығы қала жолдарында шиеленісті жағдай туғызады. Осыған байланысты полиция мақсатты жұмыс жүргізуде», – деді Алматы қалалық ПД Жергілікті полиция қызметі басқармасының бастығы Манап Саттаров.

Спикердің сөзіне сүйенсек, өткен тәуліктің ішінде бөлімше қызметкерлері 56 жол қозғалысы ережесін бұзушылықты анықтаған.

«Атап айтқанда, көлік құралын мемлекеттік нөмірлік белгілері жоқ жүргізудің жеті фактісі, жүргізуші куәлігінсіз көлікті басқару фактісі – 11, көлік құралын сақтандыру полисінсіз жүргізу – 4, 1 көлік құралын заңсыз ауыстыру фактісі және т.б. 12 мотоцикл мамандандырылған айыппұл тұрағына әкелінді.

Сонымен қатар, Алматы қаласының жолдарында кезекшілік тәулік кезінде резонаторларды санкциясыз қолданған 22 автокөлік анықталды. 590-баптың 5-бөлігіне сәйкес, жол қауіпсіздігі ережелеріне сай келмейтін көлік құралын басқарғаны үшін осы көліктердің жүргізушілері әкімшілік жауапкершілікке тартылды. Қалада осындай іс-шаралар күн сайын өтеді», – деді Манап Саттаров.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар