Заң 09.08.2020 сағат 20:25

Атышулы «Гарант 24 Ломбард» ЖШС-нің атыраулық өкілі Оралда ұсталды

Еске сала кетсек, бұдан бұрын атыраулықтарды алдаған «Нұрали Капитал» ЖШС-нің құрылтайшысы Алматыда ұсталған болатын.
Атышулы «Гарант 24 Ломбард» ЖШС-нің атыраулық өкілі Оралда ұсталды
фото: liter.kz
Бөлісу
Бөлісу
Бөлісу

Атырауда «Гарант 24 Ломбард» ЖШС-нің салымшыларын қаржы пирамидасына тарту, сондай-ақ, алаяқтық дерегімен іздеуде болған азамат ұсталды, деп хабарлайды Skifnews.kz ақпарат порталы, облыстық Полиция департаментінің баспасөз қызметіне сілтеме жасап.

Жергілікті сақшылар Батыс Қазақстан облысындағы әріптестерімен бірлесіп жүргізген жедел іздестіру шарасының нәтижесінде, күдіктіні Орал қаласында қолға түсірген. Ұсталған күдікті оқшаулау орнына қамалды. Оған биылғы ақпанда іздеу жарияланған болатын.

Сол кезде Полиция департаментіне «Гарант 24 Ломбард» ЖШС-нің, «Нурали Капитал», «Выгодный займ» микрокредиттік ұйымдары филиалдарының азаматтардың жылжымалы және жылжымайтын мүліктерін, ақшалай қаражатын заңсыз иемденіп алу әрекеттеріне қатысты шағымдар түскен еді. Қазір тұрғындардың арыз-шағымдары негізінде қылмыстық іс бойынша сотқа дейінгі тергеп-тексерулер жүргізілуде.

Еске сала кетсек, бұдан бұрын атыраулықтарды алдаған «Нұрали Капитал» ЖШС-нің құрылтайшысы Алматыда ұсталған болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар