$ 448.15  483.46  4.86

Отан қорғаушылар күніне орай қандай шаралар өтті?

Skifnews.kz ақпараттық порталы 7 мамыр қарсаңында өткен шаралардың бірқатарына шолу жасап көрген еді.
фото: polisia.kz
фото: polisia.kz

7 мамыр – Отан қорғаушылар күніне орай елімізде жыл сайын түрлі маңызды шаралар өтіп жатады. Биыл да бұл мереке ескерусіз қалған жоқ. Ел тәртібін күзетіп, келеңсіздіктердің алдын алуға жандарын салатын тәртіп сақшыларын бұл даталы күнде үлкен марапаттар мен құрмет-қошеметтер күтетіні жасырын емес. Сондықтан Skifnews.kz ақпараттық порталы 7 мамыр қарсаңында өткен шаралардың бірқатарына шолу жасап көрген еді.

Марапат биігінен көрінген полицейлер

Атаулы дата аясында маңызды шаралардың бірі астанада өтті. Яғни ол - елордалық полиция қызметкерлерінің Отан қорғаушылар күні мен Жеңіс күніне орай марапатталу салтанаты болатын. Отан қорғаушылар күні мен Ұлы Жеңістің 76 жылдығы қарсаңында карантиндік шараларды сақтай отырып, елордалық полиция департаментінің ДП бастығы Ержан Саденов шеру алаңында үздік қызметкерлерді марапаттады.
 - Отанды қорғау барлық уақытта әрқайсысы үшін қасиетті борыш болды және болып қала береді. Батылдық пен қайыспау жердегі бейбітшілікті сақтауға мүмкіндік береді. Жыл сайын біздің арамызда Ұлы Отан соғысының ардагерлері азайып келеді, бірақ олардың ерліктері туралы естелік ешқашан өшірілмейді! », - деді басқарма басшысы.

Дәстүр бойынша мерекеге орай ерекше көзге түскен қызметкерлер өздерінің қызметтік міндеттерін адал орындағаны үшін Қазақстан Республикасы Ішкі істер министрінің бұйрығымен және Нұр-Сұлтан қаласы ДП бастығының бұйрығымен медальдармен, грамоталармен және алғыс хаттармен марапатталды. Полиция майорының арнайы атағы Байқоңыр аудандық жергілікті полиция қызметі бөлімінің учаскелік полиция инспекторы, капитан Халел Тойшыбаевқа берілді. Патрульдік полиция полкінің қатардағы сержанты Әділ Еңсебаевқа полиция лейтенанты атағы берілді. “Құқық тәртібін қамтамасыз етуге қосқан үлесі үшін” медалі полиция капитаны, кинологиялық қызмет орталығының инспектор-кинологы Андрей Цыплухинге табысталды. II дәрежелі “Ішкі істер органдарының үздігі”  төсбелгісі полиция взводының полиция старшинасы Ардақ Ержігітовке бұйырды.

Қол сағаты бар бағалы сыйлық Есіл аудандық полиция сержанты полиция жүргізушісі Азамат Айнақұлов пен Сарыарқа ауданы кезекші бөлімінің аға сержанты көмекшісі Ернар Балжігітовке табысталды.
Осылайша, қоғам тыныштығы мен тәртібін күзетіп жүрген сақшылар марапат биігінен көрінді. 

93 жастағы Ұлы Отан соғысының ардагерін құттықтады

Отан қорғаушылар мерекесі қарсаңында Ұлы Отан соғысы ардагерлерін құттықтау салтанаты да ұмыт қалмайды. Оның бір айғағы, 7 мамыр күні Қазақстан Республикасы Ішкі істер министрлігі Ардагерлер кеңесінің төрағасы Өмірзақ Болсамбеков пен Нұр-Сұлтан қалалық ДП ардагерлер кеңесінің төрағасы Қаршыға Кішкентаев ҰОС ардагерінің үйіне қонаққа барды.


Қабен Маусымбаев Ақмола қаласында дүниеге келген. 1942 жылы 7-сыныпты бітіргеннен кейін Қабен Оспанұлы соғыс кезінде Мелитополь қаласынан көшірілген қорғаныс зауытына, қазіргі Целингидромашқа жұмысқа жіберіледі. Токарлық станокта жұмыс істей отырып, 13 жасар Қабен ауысым нормасын 100 пайыз орындайды. Соғыстың соңында 17 жасында «1941-1945 жылдардағы Ұлы Отан соғысындағы ерен еңбегі үшін» медалімен марапатталады. Қабен Оспанұлы - үш мәрте ардагер: Ұлы Отан соғысының ардагері, еңбек ардагері, Қазақстан Республикасы Ішкі істер министрлігінің ардагері.
 Оның құқық қорғау органдарындағы жұмыс өтілі 36 жыл. 1984 жылы Ақмола облысы ішкі істер басқармасы бастығы қызметінен лайықты зейнетке шыққан ардагер Астанадағы қоғамдық тәртіпті қорғау жөніндегі қалалық кеңес қауымдастығының жұмысын 10 жыл бойы басқарды. 
Әйелі Рашида Шаметқызымен олар төрт баланы тәрбиелеп отыр. Бүгінде ардагерді отбасы мүшелерінің жетістіктері қуантады. Қабен Оспанұлы ғасырға жуық жасында өсіп-өніп жатқан ұрпақтарының ортасында шаттық пен қуанышқа бөленіп отырған жайы бар.

Тәртіп сақшыларына тұрғындар алғыс білдірді

Нұр-Сұлтан полицейлеріне мобильді қосымша арқылы жүгінген азаматтар алғысын білдіруді жалғастыруда.
1 ақпаннан бастап Нұр-Сұлтан қаласының ДП Жедел басқару орталығы негізінде «Азаматтардың өтініштерін жедел қабылдау» жобасы жұмыс режиміне енгізілген болатын. 

 Бұл полициямен әр түрлі байланыс арқылы байланысуға мүмкіндік береді. Олардың қатарында «Полиция 102» ұялы телефондарының мобильді қосымшалары және Telegram, ВКонтакте әлеуметтік желілеріндегі чат-боттар бар.
Жобаның төрт айында 282 шұғыл қоңыраулар қабылданды, оның ішінде 6-і бейнеқоңырау және 218-і мәтіндік хабарлама. 

Жобаның тиімділігі қаншалықты тиімді болғанын полицияға астаналық тұрғындардан келіп түскен алғыс сөздерарқылы байқауға болады.
Бірде  жедел орталықтың 102 каналына бір азаматшадан қоңырау келіп түседі. Ол көзіне жас алып, полициядан 10 жасар қызын табуға көмек берулерін сұрайды. Ал қыз баланың жоғалғанына екі сағаттай уақыт өтіп кеткен екен.

Орталық білім беру мекемесінің қызметкері баланы іздеуді дереу ұйымдастырады. Оқиға орнына жақын маңдағы автопатрульдер, учаскелік полиция инспекторы, кәмелетке толмағандар ісі жөніндегі инспектор, сондай-ақ іздестіру итімен кинолог жіберіледі. Жедел іздестіру жұмыстарының нәтижесінде бала үйден екі кварталдай алыс бейтаныс ауладан табылады. Қыздың анасы полицияға баласын іздеуге қатысқаны және тиімділігі үшін өз алғысын айтады. 

Сонымен қатар сағат 02.23-те Жедел басқару орталығының «102» арнасына елорда тұрғынынан қоңырау келіп түседі. Ол белгісіз ер адам Chevrolet автокөлігін ашып жатқанын және жолаушылардың әйнегін сындырғанын айтады. Қылмыс болған жерге жедел патрульдер жіберіліп, полиция қызметкерлерінің жедел әрекетінің арқасында күдікті ұсталады. Оқиға орнын әрі қарай қарау арқылы бұл азаматтың тағы төрт көлікті бүлдіргені анықталады.

Хабарламаға жедел ден қоюдың арқасында полиция азаматтарға мүліктік зиян келтірген бұзақыны дер кезінде қолға түсіреді. 


 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары