Заң 14.09.2021 сағат 16:57

Ел алғысына бөленіп жүрген жандар

Сонымен қатар қала тұрғыны оған кәсіби өсуді, жаңа жетістіктерді бағындыруды шын жүректен тіледі.
Ел алғысына бөленіп жүрген жандар
фото: polisia.kz
Бөлісу
Бөлісу
Бөлісу

Тәртіп сақшыларының қызмет барысында жасап жатқан игі істерінің бірі еленсе, бірі байқалмай қалып жатады. Дегенмен оны ел тұрғындары ұмытпайтыны сөзсіз.

Павлодар тұрғыны полиция қызметкеріне ризашылығын жеткізді

Павлодар облысы ІІД бастығы Нұрлан Мәсімовке облыс орталығының тұрғыны Сәния Шәріповадан алғыс хат келді. 

- Павлодар қаласының Солтүстік полиция бөлімінің бастығы Ғалымжан Гатинге үлкен ризашылығымды білдіремін. 2020 жылдың тамызында менің ағам жол апатынан жарақат алып қалған болатын. Ғалымжан Нарайманұлының арқасында қылмыстық іс жан-жақты зерттеліп, сотқа жіберілді. Ғалымжан Гатин өзінің қызметтік міндеттерін орындау кезінде кез келген мәселеге бейтарап және әділ қарай білді, -делінген хатта. 

Павлодар тұрғыны өзінің хатында Ғалымжанның бұл істі қолына алған алғашқы күндерінен бастап жоғары кәсіби қасиеттерді, білікті іс-әрекеттерді, шыдамдылықты, жауаптылықты және мінсіз орындауды көрсеткенін жеткізді. Сонымен қатар қала тұрғыны оған кәсіби өсуді, сарқылмайтын күш пен қоғам мен заң игілігі үшін жасалатын жаңа жетістіктерді бағындыруды шын жүректен тіледі. 

«Осындай офицерлердің арқасында біз, қарапайым азаматтар, әділеттілікке деген үмітімізді бір сәтке де жоғалтпаймыз», - деп атап өтті хат авторы.

Полиция Қостанай облысында кептелісте қалған жүргізушіге көмектесті

2 қыркүйекке қараған түні 33 жастағы жүк көлік жүргізушісі Мамут Әлиев  Астанаға бет алған. Қараңғыда жолдағы бұрылысты шатастырып, ол Наурзум аймағына қарай жүріп кетеді. Біраз жол жүрген соң ғана Аққұдық деген жазуы бар белгіні көріп, ол өзінің дұрыс емес бағытта бара жатқанын түсінеді. Содан кейін ол қайта бұрылып, қайтуға шешіп қабылдайды, бірақ рульді басқара алмай, жолды жауып, кептеліске тап болады. Сол уақыттар шамасында Әулиекөл полиция бөлімінің полицейлері осы бағытта патрульдік қызмет атқарып жүрген. Жолдағы келеңсіздікке тап болған жүк көлігінің жүргізушісін байқап қалған полицейлер тоқтап, оған көмекке келеді. 

Тәртіп сақшылары көлікті өздеріне тіркестіріп алып, сүйреп, кептелісте қалған жолды босатып алады. Көлікті кептелістен сүйреп шығару процесі бірнеше сағатқа созылды. Жүргізуші Мамут Әлиев облыстық полиция департаментінің қызметкерлеріне дер кезінде көрсеткен көмектері үшін ризашылығын білдірді.

 - Жолдың қиын жағдайына тап болғанымда патрульдік полиция көмекке келді. Олардың көмегінсіз мен көлігімді жолдан шығарып алмас едім, - деп жазды М.Әлиев.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар