Заң 17.09.2021 сағат 10:59

Марапат биігінен көрінген мамандар

Елорда полицейлері «Парасатты полиция» республикалық байқауында гран-при жеңіп алды.
Марапат биігінен көрінген мамандар
фото: polisia.kz
Бөлісу
Бөлісу
Бөлісу

Тәртіп сақшылары қызмет барысында түрлі төтенше жағдайларды бастан өткеріп, оқыс оқиғалардың дәл ортасында жүретіні бәрімізге мәлім. Дегенмен өзге кәсіп иелері сияқты олардың арасында да түрлі қызметтік тексерістер мен сынақтар болып, үлкенді-кішілі байқаулар өткізіліп тұрады. Тестілеу мен сынақтардың нәтижесінде полиция қызметкерлері өздерінің кәсіби біліктіліктерін шыңдаса, кәсіби байқаулардың арқасында жаңаша серпін алып, өз істеріне деген махаббаты мен сүйіспеншілігі арта түседі. 

Елорда полицейлері «Парасатты полиция» республикалық байқауында гран-при жеңіп алды

Қазақстан Республикасы Тәуелсіздігінің 30 жылдығын, сондай-ақ Қазақстан халқының тілдері күнін мерекелеу аясында құқық қорғау органдары арасында онлайн форматта дәстүрлі «Парасатты полиция» республикалық байқауы өтті. 

Іс-шараның басты мақсаты - құқық қорғау органдарының қызметкерлері арасында мемлекеттік тілді насихаттау мен дамыту, патриотизмге тәрбиелеу, тілдік орта мен мәдениетті қалыптастыру. Үздік атағы үшін Нұр-Сұлтан, Алматы, Шымкент облыстарынан және көліктік полиция департаментінен 17 команда қатысып, әр түрлі шығармашылық тапсырмаларды орындауда өздерінің тапқырлығын және шеберлігін, сондай-ақ өз ойларын штатта жеткізе алатынын көрсетті. Нұр-Сұлтан қалалық полиция бөлімінің атынан Асылжан Сайлаубеков, Эльмира Ибраева, Нұралы Тәңірберген, Өнербек Жеңіс және Михаил Приятновтан тұратын «Сарыарқа қырандары» командасы сайыста бақ сынады. Бас жүлдені де аталған елордалық команда жеңіп алды.

Қостанайлық полиция қызметкерлері ана тілін қаншалықты біледі?

Полиция қызметкерлері «ҚазТест» жүйесі бойынша диагностикалық тестілеуден өтті, оған патрульдік полицияның 25 қызметкері қатысты. Мақсат – қазақ тілін білу деңгейін тексеру және оқу бағдарламасының ассимиляциясын анықтау. 

Тест нәтижелері бойынша мемлекеттік тілді меңгеру деңгейі анықталады. Полицейлер мәтінді тыңдау мен аударуды, лексикалық және грамматикалық тапсырмаларды орындады. Патрульдік полиция ротасының инспекторы Әлішер Есенбайұлы екі жылдан бері мемлекеттік тілді үйрету сабақтарына қатысқан.
Оның айтуынша, меңгерілген білім беру бағдарламасы мен күнделікті жұмысында қазақ тілін жиі қолданудың арқасында тест оған аса қиынға соқпаған. Полиция департаменті қызметкерлерге қазақ тілін үйретуге, мемлекеттік тілдің қолдану аясын кеңейтуге ерекше назар аударады. 

Қазақ тілі сабағын аптасына екі рет Тілдерді дамыту бөлімінің «Тіл дарын» оқу орталығының мамандары жүргізеді. Облыстық ДП басшысы Б.Аймағамбетовтың бастамасымен қалалық әкімшіліктер мен мемлекеттік тілді үйрету бойынша облыстық департаменттер басшыларының арасынан топ құрылды. Сабақтар жақын арада басталады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар