Оңтүстік Қазақстан облысында Көші-қон полиция басқармасының басшысы ұсталғаны туралы бұған дейін хабарлаған болатынбыз. ҚР ІІМ баспасөз қызметінің мәліметінше, ірі шенеунік 3,5 мың доллар пара алып жатқан кезінде қолға түсіпті.

Шымкентте балмұздақтан уланғандар саны 61 адамға жетті деп хабарлайды ОҚО ІІД-нің баспасөз қызметі. Олардың 20-сы дәрігерлер қарауынан кейін үйлеріне жіберілген. Қалғандары ауруханада емделіп жатыр. Полицейлер қазір бұл жайтқа байланысты тексеруді бастап кеткен.

Оңтүстік Қазақстан облысының Сарыағаш ауданында жергілікті жұртты алдап, 5 миллион теңгені қалтасына басқан жас жігіт ұсталды. Күдіктіге алданғандар саны әзірге 6 адамды құрап отыр деп хабарлайды ОҚО ІІД баспасөз қызметі.

Шымкентте жол тәртібіне бағынғысы келмеген көлік жүргізушісі полиция қызметкерін көліктің капотына салып, бірнеше метрге сүйреген. Оқиға қаладағы орталық көшелердің бірінде орын алды. Ал, бұл жайтты көріп жаңасын ұстаған куәгерлер оны бейнекамераға түсіріп, видеороликті әлеуметтік желілерде таратып жүр.

Күні кеше Оңтүстік Қазақстан облысының әкімі Бейбіт Атамқұловтың халық алдында есеп бергені белгілі. Аталған жиын барысында әкім есебін тыңдауға келген Шымкент тұрғындарының бірі "полицейлер ағамның өлтіргендерді сол күйі тапқан жоқ" деп арызданған болатын. Осы жайтқа байланысты ОҚО ІІД ресми мәлімдеме жасады деп хабарлайды Sn.kz.

Оқиға өткен жылдың қыркүйек айында Отырар ауданында орын алған. Полицияға арызданған 50 жастағы жергілікті тұрғын үйінен алтын мен ақша сақталып тұрған үлкен сейфтың ұрланғандығын айтып шағымданған болатын.

Оңтүстікқазақстандық полицейлер ұзақ уақыттан бері барымташылықты кәсіп еткен қылмыстық топты құрықтады. Мал ұрылары Сайрам ауданының тұрғындарын осы күнге дейін үрейлендіріп келген деп хабарлайды SN ОҚО ІІД баспасөз қызметіне сілтеме жасап.

ОҚО Сарыағаш ауданының полицейлері 7 жыл бұрын жеке кәсіпкерді тонап, 50 келі алтынды алып кеткен қарақшыларды әлі тапқан жоқ. Кәсіпкерге келген шығын көлемі 3 млн долларды құраған деп хабарлайды TVK телеарнасы.

13 қаңтар күні KTK телеарнасының жаңалықтарынан Шымкенттегі "Самал-3" шағынауданындағы тұрғындардың жанайқайы жайында ақпарат жарияланған болатын. Онда жергілікті тұрғындар полицейлердің әрекетсіздігінен ұрылар байлаулы тұрған иттен бастап көлікке дейін алып кететінін айтып шағымданған. ОҚО ІІД болса аталған ақпараттың жартылай шындыққа жанаспайтындығын айтып ақталды.