Грузия экс-президенті Михаил Саакашвили сырттай алты жылға сотталды деп хабарлайды Интерфакс ақпарат агенттігі.

Маусым айының 28-і күні Тблиси қалалық соты экс-президент Михаил Саакашвилиді сырттай алты жылға бас бостандығынан айырды. Оған «2006 жылы парламент депутаты болған Валерий Гелашвилиге жасалған шабуылды ұйымдастырды» деген айып тағылған. Сотта Грузия парламентінің бұрынғы төрайымы Нино Бурджанадзе Саакашвилидің Гелашвилиге жасалған шабуылды қалай ұйымдастырғандығы жөнінде айтқан.

Валерий Гелашвилиге 2005 жылы ішкі істер министрлігінің қызметкерлері шабуыл жасаған. Полиция қызметкерлері Гелашвили көлігін Тблиси орталығында тоқтатып, экс-депутатты соққыға жыққан. Аталмыш оқиғаға байланысты қылмыстық іс 2013 жылы Грузияда билік ауысқаннан кейін қайта қозғалған.

Михаил Саакашвилиден бөлек Гелашвили ісі бойынша экс-ішкі істер министрі Вано Мерабишвили мен ІІМ қарасты арнайы қызмет департаментінің бұрынғы басшысы Ираклий Кодуа сотталған.

Дереккөз: The Qazaq Times

Грузияның бұрынғы президенті және Одесса облысының бұрынғы губернаторы Михаил Саакашвилиді арнайы жасақ тұтқындағаны бейнебақылау камерасына түсіп қалған. Қоғам белсендісін шашынан сүйреп тұтқындап жатқан видеосы Youtobe видеопорталында жарияланды.

Тбилиси қалалық соты Грузияның бұрыңғы президенті Саакашвилиді 3 жылға қамауға үкім шығарды. Оған қызметтік өкілеттігін асыра пайдаланды деген айып тағылды деп жазады Грузия Online.

Киевте сот "Жаңа күштер қозғалысы" оппозициялық қозғалысының лидері және Грузияның бұрынғы президенті Михаил Саакашвилиді үйқамаққа алудан бас тартты. Сот осылайша, прокуратураның Саакашвилиді үйқамаққа алу туралы өтінішін қабылдамай, саясаткерді сот залында босатты, деп жазады Азаттық.