«Көп түкірсе, көл болар» демекші, жалғызбасты ана Самал Телеуоваға қазақстандықтар 2,5 миллион теңге ақша жинап берді. Ол Атырау облысындағы Құрманғазы ауданының Құрманғазы ауылынан жер үй сатып алды деп жазады «Мой город».

Жалғызбасты ана бір аптадан бері өз баспанасында тұрып жатыр. Енді ол 5 баласымен пәтер жағалап жүрмейтін болды. Келіншектің ауыр тағдыры қазақстандықтарды бей-жай қалдырмады. Бұған дейін жүрегі жылу жандар Самал Телеуованың үйіне азық-түлік, 5 баласына киім-кешек жеткізіп берген болатын. Ал бұл жолы көпшіліктен 2,5 миллион теңге ақша жиналған.

«Мен туралы мақала барлық жерге шыққаннан бері жеке шотыма 2,5 миллион теңге қаржы жиналды. Бұл ақшамен қалада ешнәрсе істей алмайтын едім. Сол үшін туысқандарым тұратын Құрманғазы ауылынан үй сатып алдым. Жақындарыңның жанында болуы өзіме, әрі балаларға да қолайлы», – дейді жалғызбасты ана.

Еске салсақ, осыған дейін күйеуі 5 баласымен тастап кеткен 24 жастағы көпбалалы ана Самал Телеуова туралы мақала жарияланған болатын. Жалдамалы пәтерде қалған жалғызбасты ана балаларын өзі жалғыз асырап отырғанын айтып, көпшіліктен көмек сұраған еді.  

Дария жағалаған жалғызбасты әке. Оны да баспана мәселесі шаршатқан. Ал Қызылордамен іргелес жатқан Тасбөгет кентінде тұратын – тұратын деймін-ау, әйтеуір күнін көріп отырған Алдаберген Қалқымов, жалғызбасты әке. Былтыр әйелі қайтыс болған, 9 баланың 5-і кәмелетке толмаған. Бір бөлмелі баспанасын кезінде рәсімдеп алмаған, соның кесірінен апатты үйде қалып отыр деп хабарлайды Астана телеарнасы. 

Екі ұлы бар ата қартайған шағында қалайша жалғыз қалғанын әңгімелеп берді. Айтуынша, екі ұлын ешкімнен кем қылып өсірмепті. Бірақ әйел алғаннан кейін екі ұлы солардың сөзінен шықпайтын болған. Кемпірі сол кесапат келіндерінің кесірінен де көз жұмыпты. Бұл туралы өзінің Facebook парақшасында Қайрат Нұрлықасымұлы есімді желі қолданушысы жазды.

Тікелей эфирде 3 баланың әкесі әйелінің өзге еркекпен бас қосып, балаларына хабарласпайтынын айтып, мұң шақты. Бұл туралы 7 арнадан шығатын «Өз ойым» бағдарламасында қонақ болған жалғызбасты әке Жақсылық Асқаров  баяндап берді.

Алматы облысындағы Қошмамбет ауылында бес баласы бар жалғызбасты ана мал қорада тұрып жатыр. Өзбекстаннан сонау 2002 жылы көшіп келген әйел әлі күнге дейін Қазақстан азаматтығын ала алмай жүр. Өзбекстан азаматтығынан бас тартқандықтан, қазір не өзінде, не балаларында бірде-бір құжат жоқ. Бейбітшілік заманда бүлдіршіндер жоқшылықтың тауқыметін көріп  жүр деп мәлімдейді 31 арна.

Жар іздеген астаналық қарияға жас қыздар таласып жатыр. Бұл туралы NUR.KZ  басылымына пайғамбар жасынан асқан Алпамыс ата өзі хабарласыпты. Қария 10 жылдан бері жалғызсырап отырғаннан кейін, ғаламторда осы мәтіндегі жарнаманы жариялауды жөн көріпті.