«Әкімдіктің алдында өзімді өртеп тастаймын» деп қате әзіл ойнаған жайдарманшы топ сынның астында қалды.
Осыған қатысты сценарист, тележүргізуші, продюсер Еркебұлан Мырзабек жайдарманшы топқа ескерту жасады.
«Әкімдіктің алдында өзімді өртеп жіберемін» дегендерің өте қате әзіл. Адам өмірін әзілге айналдыру дұрыс емес. Эфирде мұндай қателік жасауға болмайды. Митингте қанша адам қыршын кетті, Алматыда болдыңдар ма өздерің? Редакторлар мұндай әзілді біз өткізген жоқпыз дейді, сонда сендер қалай өткізіп отырсыңдар? Тәжірибелі топсыңдар, мықты командасыңдар. Сендерге жаным ашығандықтан айтып отырмын, қателесуге болмайды, - деді ол.
Айта кетейік, Нұр-Сұлтан қаласында бір әйел әкімдіктің алдында өзіне жанармай құйып, өртеп жіберген болатын.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
skifnews.kaz@gmail.com
