Журналиспен романтикалық байланыс орнатып, «құпия ақпарат таратқан» сарапшы ұсталды

АҚШ прокуратурасы «журналистерге құпия дерек берді» деген айыппен барлау басқармасының қызметкері Генри Фризаны қамауға алды, деп хабарлайды azattyq.org

Айыптау тарабының айтуынша, барлаушы 2018-2019 жылдары белгілі бір мемлекеттің қарулану жүйесі туралы құпия деректерді журналистерге берген. АҚШ әділет министрлігі барлаушының нақты қай мемлекет туралы құпия дерек таратқанын айтпады. Дегенмен, құпия ақпараттың кемінде сегіз жаңалықта қолданылғаны анықталған.

Айыптау қорытындысында Фриздің құпия ақпарат алған екі журналистің бірімен романтикалық қарым-қатынаста болғаны жазылған. АҚШ-тың федералдық тергеу бюросы олардың телефон әңгімелерін тыңдап, Twitter-дегі жеке хабарламаларын оқып отырған.

Әділет министрлігі журналистер жайлы деректі де құпия сақтап отыр.

Генри Фриз АҚШ қорғаныс министрлігінің барлау басқармасында терроризммен күрес бөлімінде сарапшы болып жұмыс істеген. Ол 9 қазанда таңертең ұсталды. Егер кінәсі толық дәлелденсе, Фриз 20 жылға бас бостандығынан айырылуы мүмкін.

АҚШ әділет министрлігі соңғы екі жылда алты адамды "құпия дерек таратты" деп айыптаған.