Әлем 11.10.2019 сағат 12:25

«Көзбояушылық»: Иран әйелдері тұңғыш рет стадионда футбол ойынын тамашалады

«Азади» стадионында әйелдерге 3,5 мың ғана орын бөлінгенін сынады.
«Көзбояушылық»: Иран әйелдері тұңғыш рет стадионда футбол ойынын тамашалады
фото: azattyq.org
Бөлісу
Бөлісу
Бөлісу

Иранда әйелдердің стадионға кіріп, футбол көруіне1981 жылдан бері алғаш рет рұқсат берілді. 10 қазанда үш мыңнан астам әйел Тегерандағы «Азади» стадионында өткен Иран-Камбоджа футбол матчын тамашалады. Бұл ойында ирандықтар 14:0 есебімен ұтты деп хабарлайды azattyq.

Құқық қорғаушылар оқиғаны түрліше бағалады. Human Rights Watch адам құқығын қорғау ұйымы билеттер тек таныспен сатылғанын, 78 мың орындық «Азади» стадионында әйелдерге 3,5 мың ғана орын бөлінгенін сынады. Amnesty International ұйымы оқиғаны «көзбояушылық» деп атады.

1979 жылғы Ислам революциясынан кейін әйелдерге ерлер құрамасы қатысатын футбол ойындарын көруге тыйым салған. Соңғы жылдары баскетбол мен волейболды да көруге шектеу қойған. Футбол көру үшін ер адамша киініп, стадионға барған кейбір әйелдер ұсталып, жазаланған.

Биыл күзде 29 жастағы футбол жанкүйері Сахар Ходаяри әйелдерді стадионға кіргізбегені үшін сот ғимараты алдында өзін-өзі өртеп, көз жұмған. Осы оқиғадан соң Халықаралық футбол федерациясы (FIFA) Иран билігін айыптаған.
 

Оқи отырыңыз

загрузка...

Соңғы жаңалықтар

Қызықты материалдар