Әлем 03.12.2019 сағат 10:15

12 күн бойы шөлде адасқан әйел адам сенгісіз жағдайда тірі қалды

Саяхатшылардың алты литр суы, печеньесі және ет салынған кеспесі болған. Тамақтары таусылған соң олар амал жоқ су іздеуге бел буады.
12 күн бойы шөлде адасқан әйел адам сенгісіз жағдайда тірі қалды
фото: nationalgeographic.kz
Бөлісу
Бөлісу
Бөлісу

Австралия полициясы 12 күн бойы шөлде аптап ыстық астында қалған әйелді құтқарды, деп хабарлайды ВВС. 

 Оның тірі қалуына өзімен бірге ала кеткен азық-түлігінің септігі тиген. Абырой болғанда тамақ пен су таусылған кезде әйел мен қасындағы екі серігіне жаңбырдан кейін қалған суатты табудың сәті түскен. Бірақ, австралиялықпен бірге еріп жүрген екі ер адамды 13-күннен бері таба алмай жатыр. 

52 жастағы Макбит-Райли мен оның екі серігі - Фу Тран және Клэр Хоксридж 19 қарашада Австралияның Солтүстік аумағында орналасқан шағын Элис-Спрингс қаласынан сапарлауға шыққан. Олар шөлге жол тартқан. Бірақ аяқ астынан автомобильдері суы тартылған өзенде батпаққа батып қалады. 
Тамра Макбит-Райли журналистерге алғашқы үш күн бойы қанша әрекет жасағандарымен машинаны шығара алмағандықтарын айтты.

"Күндіз өте ыстық болды. Біз автомобильдің астындағы құмды қазып, аптаптан қорғануға тырыстық»,-деді ол.

 Саяхатшылардың алты литр суы, печеньесі және ет салынған кеспесі болған. Тамақтары таусылған соң олар амал жоқ су іздеуге бел буады. Эй-би-си корпорациясының хабарлауынша, әлгілер өздерінің қай бағытқа бет алғандықтарын жазып, машинаға қалдырып кеткен. 

Австралияның Солтүстік территориясының полициясы жоғалған саяхатшыларды іздеуге тікұшақ жіберді. Олар Макбит-Райлиді машинадан біржарым шақырымдай жерден тапты. Әйел шұғыл ауруханаға жеткізілді. Оның қалған екі серігін іздеу жұмыстары жалғасуда.

Дереккөз: ҚазАқпарат

Оқи отырыңыз

загрузка...

Соңғы жаңалықтар

Қызықты материалдар