Оңтүстік жапон аралдарында жойқын «Майсак» тайфуны соқты (ВИДЕО)

Оңтүстік жапон аралдарында жойқын "Майсак" тайфуны соқты, - деп хабарлайды Tengrinews.kz тілшісі Yass Tribune агенттігіне сілтеме жасап.

Тайфун салдарынан Окинава префектурасындағы 33 мыңнан аса үй жарықсыз қалған.

Ақпарат агеттігінің мәліметіне сәйкес, желдің жылдамдығы сағатына 180 шақырымға жетуі мүмкін. Кейбір аудандар су астында қалған. Ауа-райының қолайсыздығына байланысты Наха аралындағы халықаралық әуежай жергілікті уақыт бойынша 12 сағатқа жабылған.

"Окинавада қатты жел соғып, жаңбыр жауды", - деп хабарлайды Bloomberg QuickTake.

Басылымның мәліметінше, Оңтүстік Кореяда да ауа райының қолайсыздығына байланысты ескерту жарияланған. Себебі, жойқын тайфун елдің оңтүстігіне жақындап келеді. 2 қыркүйекте тайфун Оңтүстік Кореяға жетіп, кейін Қытайға жетуі мүмкін.