Қара өлім: Қытай бубон обасының өршуіне байланысты төтенше жағдай жариялады

Қытай үш жасар бала бубон обасын жұқтырғаннан кейін елде төтенше жағдай жариялады деп хабарлайды KAZ.NUR.KZ.

Дәрігерлер баланың "қара өлім" деп аталатын бубон обасымен ауырғанын растады. 

Осыдан кейін шенеуніктер кейбір аймақтарда төтенше жағдай жариялады деп жазады The Paper басылымы.

 Ақ халаттылар 27 қыркүйек, жексенбі күні Юннань провинциясының Менхай уезінен шыққан баланың инфекция жұқтырғанын растады. Бұл жағдай Ұлттық скринингтік бағдарламаның аясында, Сидин, Менхай қаласында белгісіз аурудан өлген үш егеуқұйрық табылғаннан кейін басталды.

Тағы оқи отырыңыз:  Моңғолияда адамды бір күнде өлтіретін оба тарай бастады

Моңғолияда тағы бір адам қауіпті бубон обасынан көз жұмды

Жергілікті ауруларды бақылау органдары осы айдың басында аймақта егеуқұйрықтардың ауыр инфекциясы басталғанын растады. Іс анықталғаннан кейін көп ұзамай, жергілікті үкімет оба ауруының таралуын болдырмау үшін IV деңгейдегі төтенше жағдайларға қарсы іс-қимыл жасады. Қытайдың солтүстік көршісі - Моңғолиядағы 21 провинцияның кем дегенде 17-сінде бубон обасы қаупі бар екенін мәлімдеді. 

 Қазіргі уақытта ұлттық және провинциялық сараптамалық топтар белгіленген эпидемиялық аймақтарға іргелес ауылдарда тексеру жұмыстарын жүргізді. Тексеру кезінде оба белгілері бар жаңа жағдайлар анықталған жоқ.