Әлем 08.12.2020 сағат 15:20

БҰҰ Қырымнан Ресей әскерін шығаруды талап етті

Құжатты 63 мемлекет қолдап, 17 ел қарсы болған. Тағы 62 мемлекет қалыс қалды.
БҰҰ Қырымнан Ресей әскерін шығаруды талап етті
Бөлісу
Бөлісу
Бөлісу

БҰҰ Бас Ассамблеясының сессиясында Қырымды милитаризациялау мәселесі бойынша қарарға қол қойылды. Онда БҰҰ Ресейді Украина территориясын оккупациялауды және Қырым тұрғындарын Ресейдің қарулы күштеріне шақыруды тоқтату керектігі айтылған, деп хабарлайды Abai.kz.

7 желтоқсанда БҰҰ Бас Ассамблеясының 75-сессиясының қатысушылары Қырым Автономиялық Республикасы мен Севастополь қаласын, сондай-ақ Қара және Азов теңіздерін милитаризациялау проблемасы бойынша қарар қабылдады.

Құжатты 63 мемлекет қолдап, 17 ел қарсы болған. Тағы 62 мемлекет қалыс қалды. Резолюцияны жасаушылар Ресейді «дереу, толықтай және ешқандай шарт қоймай, өз қарулы күштерін Қырымнан шығарып, Украина территориясын уақытша басып алуды тоқтатуға» шақырды.

«Сонымен қатар, Ресей халықаралық гуманитарлық құқықты бұза отырып, Қырым тұрғындарын Ресейдің қарулы күштеріне шақыруды, сондай-ақ білім беруді «милитаризациялауды» тоқтатуы керек», - делінген құжатта.

Құрастырушылар Қырымдағы оқу орындарының әскери-патриоттық тәрбиесі Ресей жүйесінің негізінде екенін айтты.

Украинаның Сыртқы істер министрі Дмитрий Кулеба қазіргі қарарды «Ресейге күшейіп жатқан құқықтық қысымның жаңа элементі» деп атады. Оның айтуынша, құжатты қабылдау Қырымды милитаризациялау проблемасы «халықаралық қоғамдастықтың назарында» тұрғанын көрсетеді және ол «Қырымды үлкен әскери базаға айналдыруды» аймақтағы қауіпсіздік пен тұрақтылыққа тікелей қатер төндіреді деп санайды.

«Еуроодақ Украинаның егемендігі мен аумақтық тұтастығын қолдайды, Ресейдің Қырымды аннексиялауын заңсыз деп санайды және оны мойындағысы келмейді», - деді БҰҰ жанындағы ЕО делегациясының жетекшісі Сильвио Гонзато.

«Ресейдің әрекеті халықаралық құқық пен халықаралық тәртіптің негізгі қағидаларын өрескел бұзу болып табылады», - дейді Брюсселдің ресми мәлемемесінде.

Гонзатоның пікірінше, Украина түбегін милитаризациялау Қара теңіз аймағындағы қауіпсіздік жағдайын нашарлатты.

Айта кетейік, Ресей 2014 жылдың наурызында Қырымды өзінің аумағы деп жариялады. Киев және әлемдегі елдердің басым көпшілігі мұны мойындамайды. Көп ұзамай АҚШ, Еуропалық Одақ, Австралия, Жаңа Зеландия және Канада Мәскеуге қарсы алғашқы санкцияларды енгізген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар