Әлем 25.12.2020 сағат 18:00

ФСБ агентімен кездеспек болған Навальный қорының заңгері қамауға алынды

Навальный жақтастары оны 44 жастағы Кремль сыншысын улау ісіне қатысы бар делінген ФСБ өкілімен кездесуге тырысқаны үшін қудалуы мүмкін дейді.
ФСБ агентімен кездеспек болған Навальный қорының заңгері қамауға алынды
Фото: ria.ru
Бөлісу
Бөлісу
Бөлісу

Ресей полициясы Жемқорлықпен күрес қорының заңгері Любовь Собольдің пәтерін тінтіп, өзін тергеуге алып кетті. Бұл ақпаратты 25 желтоқсанда Алексей Навальныйдың Жемқорлықпен күрес қоры хабарлады, деп жазады Азаттық радиосы

"Любовь Собольді жауап алу үшін тергеу комитетіне алып кетті. Пәтеріне тінту жүргізілді" деп жазды қор Twitter-дегі парақшасында.

Навальный жақтастары оны 44 жастағы Кремль сыншысын улау ісіне қатысы бар делінген ФСБ өкілімен кездесуге тырысқаны үшін қудалуы мүмкін дейді.

21 желтоқсанда - "Навальныйдың ФСБ қызметкері Кудрявцевпен аудио-әңгімесі" жарияланған күні кешке Соболь мен тағы бірнеше белсенді (арасында журналистер де бар) Константин Кудрявцевпен кездесуге тырысқан. Сол күні полиция Собольды ұстап әкетіп, сәлден кейін босатқан.

Еуропадағы тәуелсіз үш зертхана Навальныйдың жүйкені сал етіп тастайтын "Новичок" уымен уланғанын анықтаған. Химиялық қаруға тыйым салу жөніндегі халықаралық ұйым тұжырымды растаған.

Батыс елдері Ресейді Навальныйдың улануын жан-жақты зерттеуге шақырған. Ресей билігі "саясаткерге у беру" ісі бойынша қылмыстық іс қозғаудан бас тартқан. Оқиғаға арнайы қызметтің қатысы бар деген тұжырымды да терістеген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар