Әлем 03.07.2021 сағат 12:40

Мексика шығанағында мұнай құбырынан өрт шықты

Алдын-ала мәліметтер бойынша, өрт 78 метр тереңдіктегі құбырдың клапандарының жарылуы салдарынан болған.
Мексика шығанағында мұнай құбырынан өрт шықты
Фото: ашық дерекөз
Бөлісу
Бөлісу
Бөлісу

Мексика шығанағында теңіздегі мұнай кешенінің жанында су асты өрті шықты, деп хабарлайды ЭК.

"РИА Новости" агенттігінің жазуынша, оқиға елдің оңтүстік-шығысында орналасқан Кампече штатындағы Сьюдад-дель-Кармен қаласының жағалауында болған. Әлеуметтік желілерде жарияланған кадрлардан теңіздегі лаулаған өртті сөндіруге кемелердің көмекке келіп жатқанын көруге болады.

Алдын-ала мәліметтер бойынша, өрт 78 метр тереңдіктегі құбырдың клапандарының жарылуы салдарынан болған. Өртті сөндіруге мамандандырылған үш кеме тартылды.

"Қазір өрт сөндірілді. Құбырды жалғайтын клапандарды жапқан. Соның салдарынан газдың ағуы тоқтап, өрт одан әрі тарамаған. Бірақ мұнай шығанақ суларына аққан. Таңертеңгі сағат 10:45 шамасында төтенше жағдай реттелді. Қалыпты жұмыс жүргізіліп жатыр", — деп хабарлады компания өкілдері.

Зардап шеккендер туралы ақпарат жоқ.. Қазір компаниядағылар апаттың неден болғанын анықтап жатыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар