Гамбияда жөтелге қарсы шәрбат ішкен 70-ке жуық бала көз жұмды

Оқыс оқиғадан кейін фармацевтикалық фабриканың жұмысына тыйым салынған.

Фото: AFP видеосынан скриншот

Үндістан билігі Гамбияда 69 баланың жөтелге қарсы шәрбаттан кейін қайтыс болуына байланысты фармацевтикалық фабриканың жұмысын тоқтатты. Бұл туралы Azattyq Ruhy euronews-ке сілтеме жасап хабарлайды.

Бұған дейін БҰҰ бүйрек қызметінің жетіспеушілігінен болған балалар арасындағы өлім-жітімді Maiden Pharma компаниясы шығарған жөтелге қарсы шәрбатпен байланыстырған болатын.

Африкадағы патенттелмеген дәрі-дәрмектің 45%-ын «әлем дәріханасы» болып саналатын Үндістаннан жеткізіледі.