12.09.2018, 18:15

Шымкент әкімдігі ауруханада көз жұмған 3 жасар қызға қатысты мәлімдеме жасады

Шымкент қаласының әкімдігі ауруханада қайтыс болған 3 жасар қызға қатысты мәлімдеме жасады. Қала басшылығы мен дәрігерлердің айтуынша, бүлдіршіннің өліміне медициналық көмекке кеш жүгіну себеп болған деп жазады ҚазАқпарат

Дәрігерлердің мәліметінше, 2015 жылы туған бүлдіршін ауруханаға 9-шы қыркүйек күні сағат 10.55-те жедел жәрдем қызметімен жеткізілген. Оның іші ауырып, құса берген. Қабылдау бөліміндегі дәрігерлер баланың жағдайы орташа деңгейде екенін анықтайды. Алайда бүлдіршіннің әжесі оны ауруханаға жатқызудан бас тартады. Осы күні сағат 14.24-те балаға қайтадан жедел жәрдем шақыртылады. Ол кезде де әжесі ауруханаға жатқызудан бас тартып, тіпті тілхатқа қол қойып берген. Дәл сол күні сағат 16:55-те аталған ауруханаға өздері келіп, науқас бала жатқызылған. Ол кезде «Тамақтан улану токсокоинфекциясы» диагнозы қойылған.

«Түскен кездегі шағымы: тәулігіне 5-6 рет құсу, әлсіздік, тәбеттің болмауы. Аталған ауруды бір күн бұрын дәмханадан жеген пицца, суши және сүтті коктейль ішумен байланыстырған. Баланың анасы да бірдей уақытта ауырған, Шымкент қалалық жұқпалы аурулар ауруханасында ем алған. 10-шы қыркүйек күні сағат 21:10-да баланың жағдайының нашарлауына байланысты, ол реанимациялық бөлімге ауыстырылған. 10-ы күні сағат 22:30-да ИВЛ-терапия мен жүрегіне қайта тірілту жасалуына қарамастан, қыздың жүрек соғысы тоқтайды. Реанимациялық жұмыстар оң нәтиже бермеген. Клиникалық негізгі диагнозы: «Сепсис, септицемия». Асқынулар: «ЖЖӨЖ. Бас миының қабынуы, 3-дәрежелі септикалық шок». Нәтижесінде К есімді қыз бала қалалық жұқпалы аурулар ауруханасында 10-шы қыркүйек күні жан тапсырған», – делінген хабарламада.

Осыдан кейін туыстары патологиялық-анатомиялық тексеру өткізуден бас тартып, баланың денесін алып кеткен. Медицина қызметкерлеріне ешқандай шағымы жоқ екені туралы қолхат жазып қалдырған.

Қазіргі таңда қалалық Денсаулық сақтау басқармасының бұйрығымен Қоғамдық денсаулық сақтау комитетінің ОҚО бойынша департаменті тарапынан аталған жағдайға қатысты қызметтік тексеру жұмыстары басталды.

Әкімдіктегілер тексеру нәтижесі қосымша хабарланатынын жеткізді.


 

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.