$ 447.4 € 477.55 ₽ 4.76
Ақтөбеде тоғыз адам жабылып пышақтаған жігіт аман қалды. Қазір ол есін жинап, жансақтау бөлімінен палатаға ауыстырылған деп хабарлайды «КТК» телеарнасы.
Әлеуметтік желіде тараған осы роликті жұрт қазір қызу талқылап жатыр. 19 жастағы студенттер подъезд алдында 30 жастағы жігітті аяусыз сабап тастаған. Тепкілегендері аздай, ағаш орындықпен де ұрады. Онымен қоймай тоғыз қаскөй біртіндеп келіп пышақ сұғады. Қазір мұндай жауыздыққа барғандардың бәрі ұсталып, адам өлтіруге оқталғандары үшін қылмыстық іс қозғалды. Бірақ олардың не үшін мұндай әрекетке барғанын тәртіп сақшылары айтпай отыр. Ал жәбір көрген тұрғын көп қан жоғалтып, ес-түссіз жатқан жерінен ауруханаға жеткізілген.
«Көп пышақ жарақатын алған. Кеуде қуысына, сосын аяғының төрт-бес жерінен пышақ салған. Жағдайы жақсарғаннан кейін қазір хирургиялық бөлімшеде ем алып жатыр», - дейді Ақтөбе облыстық медициналық жедел жәрдем ауруханасының бас дәрігері Сәкен Қапанов.
