06.04.2018, 16:25

Қоғам белсенділері Зағипа Балиеваның қызметін тоқтатуды талап етіп, Президентке ашық хат жазды

Аружан Сайын бастаған қоғам белсенділері, үкіметтік емес ұйымдар және Қазақстанның қарапайым азаматтары Балалар құқығы жөніндегі уәкіл Зағипа Балиеваны қызметіне лайық емес деп, Мемлекет басшысы Нұрсұлтан Назарбаевтың атына хат жазды. Хаттың көшірмесін А.Сайын өзінің Facebook-парақшасына жүктеген.

Белсенділер Балиеваның жұмысына сенімсіздік танытатынын ашық айтып отыр. Олардың пікірінше, Мәжіліс депутаты әрі балалар омбудсмені З.Балиева үкіметтік емес ұйымдардың жұмысына айтарлықтай кедергілер келтіріп отыр екен. Сондай-ақ, ол қоғаммен байланыс орната алмапты.

«Соңғы болған оқиға біздің шыдамымызды шектен шығарды, сондықтан, балалар құқығымен айналысып жүрген бірқатар ҮЕҰ мен белсенділер Зағипа Балиеваның жұмысына сенімздік танытып, Мемлекет басшысына ашық хат жаздық», - деді Аружан Сайын әлеуметтік желідегі өз парақшасында.

Хатта көрсетілгендей, балалар омбудсмені ОҚО-да зорланды деген баланың құқығын бұзған көрінеді. Сондай-ақ, Балиева жетімдер үйін жапқызбай сақтап қалуға атсалысып, балаларды асырап алуға кедергілер келтіреді делінген.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...

Error: No articles to display

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.