Нұрлы жол 14.12.2016 сағат 07:34

Шымкенттік 25 азамат Тәуелсіздік күніне орай мемлекеттік марапат алды

Шымкент қаласының әкімдігінде ҚР Тәуелсіздігінің 25 жылдығына арналған салтанатты іс-шара өтті. Мерекелік жиында қала әкімі Ғабидолла Әбдірахымов құттықтау сөз сөйлеп, бірқатар азаматтарды марапаттады.

Бөлісу
Бөлісу
Бөлісу

«Сіздерді Қазақстан Республикасы Тәуелсіздігінің 25 жылдық мерекесімен құттықтаймын! Тәуелсіздік – бұл халықтың сан ғасырлар бойы еркіндікті аңсаған арманы. Қазақстанның бүгінгі құдіретті күші ел бірлігінде, ұлт пен ұлыстар татулығында. Елбасымыз Нұрсұлтан Назарбаевтың салиқалы саясатының арқасында мемлекетіміз әлемдегі дамыған елу елдің қатарына еніп, бүкіл әлемге танылып отыр», - деді қала әкімі өз құттықтауында.

Айтулы мерекеге орай 25 азаматқа «Құрмет» ордені, «Ерен еңбегі үшін» және «Шапағат» медалі, «Қазақстан Республикасының Құрмет грамотасы» табыс етілді. Сонымен қатар, 57 адам «Қазақстан Республикасы Тәуелсіздігінің 25 жылдығы» мерейтойлық медальдарымен, 3 адам қала әкімінің алғыс хаттарымен марапатталды. 12 азамат «Шымкент қаласының дамуына қосқан үлесі үшін» медалін алды.

Іс-шара соңында облыстық филармония өнерпаздары, жергілікті өнер ұжымдары мен жас әншілер мереке мерейін асырып, әннен шашу шашты.

Айта кетейік, ел Тәуелсіздігінің 25 жылдығына орай Оңтүстік Қазақстан облысында «25 жұлдызды күн» акциясы бастау алған болатын. Оның аясында мерекелік концерттер, рухани және әдеби кештер, спорттық жарыстар және қайырымдылық акциялары өтуде. 21 қарашада басталған аталған жоба 15 желтоқсанда өз мәресіне жетеді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар