Ұрланған балалардың жартысынан көбі өз елінде құлдыққа сатылған – сарапшы

Көші-қон жөніндегі халықаралық ұйым миссиясының ұлттық үйлестірушісі Әлия Белоносова ОКҚ брифингінде Қазақстандағы адам саудасы туралы айтып берді. Бұл туралы Stan.kz ақпарат агенттігі хабарлайды. 

Әлия Белоносованың айтуынша, 2002 жылдан бері әлем бойынша адам саудасы туралы 150 мыңнан астам іс қозғалған.

Осы мәліметтер негізінде осы жылдың шілдесінде есеп шығарылды. Ол соңғы 20 жылда ұрланған балалардың жартысынан көбі өз елдерінде адам саудасының құрбаны болғанын көрсетті. Мұндай балалардың жартысынан көбі мәжбүрлі еңбекке сатылған. Негізінен ұлдар сатылады, – деді Белоносова.

Ұлдарды көбіне қайыр сұрауға мәжбүр етеді, үй қызметіне және ауыл шаруашылығында жұмыс күші ретінде пайдаланады деп қосты. Қыздар жыныстық қанауға ұшырайды.

Сонымен қатар әртүрлі елдердегі көші-қон жөніндегі халықаралық ұйым адам саудасының құрбандарына көмек көрсетеді. Қазақстанда екі мыңнан астам адам көмек алды.

Олардың ішінде Қазақстанда әрбір жетінші жәбірленуші – бала. Көмек алған адамдардың көпшілігі Өзбекстан, Қырғызстан, яғни көрші елдердің азаматтары болды, – деп мәлімдеді үйлестіруші.