Астанада жедел жәрдем мен жеңіл көлік соқтығысып, екеуі де өртеніп кетті (ВИДЕО)

Астанананың Тілендиев пен Ақан сері көшелерінің қиылысында ірі жол көлік оқиғасы орын алды. Toyota Camry маркалы көлік пен жедел жәрдем станциясы соқтығысып, салдарынан қос автомобиль де түгі қалмай өртеніп кетті.

Оқиғаны сол маңдағы куәгерлер бейнекамераға түсіріп алған. Белгілісі, өртпен күресуге үш өрт сөндіру көлігі мен құтқарушылар келіп жеткен екен. Әзірге зардап шеккендер мен құрбандар туралы ақпарат жоқ. Оқиғаны бейнекамераға түсірген куәгердің айтуынша, жедел жәрдемде болған адамдарды өрт қарқын алмай жатып сыртқа шығарып үлгеріпті.

Оқиғаның мән-жайын толығырақ хабарлайтын боламыз.