Ел тәуелсіздігінің 26 жылдығына орай Түркияның 26 азаматы Қазақстанның әнұранын орындады (ВИДЕО)

Биыл Қазақстан халқы ел тәуелсіздігінің 26 жылдығын атап өтеді. Айтулы мерекеге бауырлас Түркия елінің азаматтары ерекше сый жасады.

Түркияның әр қаласында тұратын 26 азамат Қазақстанның әнұранын шырқап, қазақтарды осынау мерекемен құттықтаған. Аталған видеоролик Қазақстандағы Түркия елшілігіне қарасты Юнус Эмре түрік мәдени орталығының Facebook-парақшасында жарияланды.

Айта кетейік, 1991 жылдың 16 желтоқсанында Қазақстан өз тәуелсіздігін жариялаған тұста әлемде біздің елдің егемендігін әлемде ең бірінші болып Түркия мойындаған болатын.