Қостанайда жергілікті тұрғындардың арызынан кейін молада жайылып жүрген жылқылардың иесі іздестіріліп табылды. Жергілікті әкімдіктің ауыл шаруашылығы мен ветеринария бөлімі шаруаны жауапқа тартты деп жазады Alau.kz.
«ҚР Әкімшілік кодекстің 505-бабын (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) бұзғаны үшін жылқылардың иесі әкімшілік жауапкершілікке тартылды. Енді ол 72 мың 150 теңге көлемінде айыппұл төлеуі тиіс», – дейді Ауыл шаруашылығы бөлімі басшысының м.а. Арман Ахметқали.
Айта кетейік, әуежай маңында орналасқан христиандар моласы "Стикс 2012" ЖШС-нің қарамағында. Аталған компания басшыларына жергілікті әкімдік күзетті күшейтіп, мола аумағына малдарды кіргізбеу тапсырылды.