Маңғыстау облысында екпе алған баланың жағдайы нашарлап кетті

Облыстық денсаулық сақтау басқармасы баспасөз қызметінің xабарлауынша, ұл бала қаңтар айынан бері ауырады екен. Енді дәрігерлер баланың нақты неден ауырғанын тексеру қорытындысы анықтамақ.

Ата-анасы бұл екпеден кейін пайда болған деп отыр.

«Балам мектепте екпе алып келгеннен кейін, басының ауырғанын айтты. Ішкен дәрілері көмектеспеді. Ауырғаны үдей түсті. Жедел-жәрдем шақырдық. Олар келгенде балам есінен танып қалды. Оны дереу Ақтауға алып кетті», - дейді ата-анасы.

29 қаңтар мен 4 ақпан аралығында жергілікті балалар ауруxанасында стационарлық ем алған. Бірақ, бұл еш көмектеспеген. Осыдан соң, 28 қаңтар мен 6 наурыз аралығында облыстық балалар ауруxанасының неврология бөлімінде ем алады.

7 наурыз күні невропотолог дәрігерлер 6 сағаттық ЭЭГ зертеуін жүргізеді. Тексеріс нәтижесі бойынша «эпилепсия» диагнозы қойылған. Бірақ, ем алғанына қарамастан баланың басының ауруы қоймаған. Қазір дәрігерлер баланы Астанаға апаруға дайындап жатыр.