Сот жақын күндері Тоқтар Төлешовке үкім шығарады

Сот Төлешовке қатысты үкімді шығару үшін кеңес бөлмесіне кірді, - деп хабарлайды Tengrinews.kz.

"Бүгінде Тоқтар Төлешовке және басқа тұлғаларға қатысты қылмыстық бойынша сот отырысы аяқталды. Сот үкім шығару үшін кеңес бөлмесіне кіріп кетті", - делінген республиканың Әскери сотының редакцияның ресми сауалына берілген жауабында.

Үкімнің қашан шығарылатыны да қосымша хабарланатыны белгілі болды.

Тоқтар Төлешов пен басқа да тұлғаларға қатысты қылмыстық іс әскери сотқа 29 тамызда "Құпия" тәртібінде түсті. Сот процесі 14 қыркүйекте басталған. Қылмыстық іс 300 томнан тұрады. Бұл іс бойынша жүзден аса куәгер, 17 жәбірленуші және жәбірленуші тараптың 12 өкілі қатысты. Төлешов қылмыстық топты құрып, оны басқарды, зорлық-зомбылық, бөтеннің мүлкін бүлдіру, ұрлау, қарақшылық, адам өлтіру және билікті басып алуға үгіттеу және жарияланымдар шығару бойынша айыпталып жатыр.