Оқиғалар 06.06.2020 сағат 05:04

Жаяу жүргіншіні қағып өлтіріп, қашып кеткен 22 жастағы жігіт ұсталды

Аталған факті бойынша сотқа дейінгі тергеу басталды.
Жаяу жүргіншіні қағып өлтіріп, қашып кеткен 22 жастағы жігіт ұсталды
Фото: polisia.kz
Бөлісу
Бөлісу
Бөлісу

Ақтөбе облысының Полиция департаменті жаяу жүргіншіні қағып кеткен жол-көлік оқиғасының куәгерлерін анықтап жатыр, – деп хабарлайды Skifnews.kz ақпарат порталы Polisia.kz-ке сілтеме жасап.

5 маусымда таңғы сағат 04-де “Самара-Шымкент” автожолында жол-көлік оқиғасы орын алды. Жүргізушісі анықталмаған автокөлікпен “Самара-Шымкент” бағытындағы автожолдың 831 шақырымында Ақтөбе қаласы жағына Хромтау қаласынан жеті шақырымы бағытында келе жатып, жол қозғалыс ережесін бұзып, қозғалыс үшін кедергі туындаған сәтте көлік құралы толық тоқтағанға дейін жылдамдықты төмендетпегеннің кесірінен жолдың оң жақ жиегінде келе жатқан 41 жастағы жаяу жүргіншіні қағып кеткен.

Одан кейін жүргізуші жәбірленушіге алғашқы көмек көрсетпестен, жол-көлік оқиғасы орнынан бой тасалаған. Жол-көлік оқиғасының қорытындысында жаяу жүргінші алған жарақатынан оқиға орнында көз жұмды.

Рота патрульді полиция қызметкерлері жол-көлік оқиғасы болған жерден көлік маркасын анықтады және артынша күдіктінің соңына түсті. Анықталғандай, 22 жастағы күдікті “Опель” автокөлігін Хромтау қаласында тастап, өзі қала орталығына бой тасалаған. Аталған факті бойынша сотқа дейінгі тергеу басталды. Күдікті Хромтау ауданы полиция бөліміне жеткізілді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар