$ 448.15  483.46  4.86

Алматы маңында атыс болды (ВИДЕО)

Демалушылар атысты видеоға түсірген және полиция шақырған.

Алматы маңындағы Байсерке ауылында орналасқан демалыс орнының иесі мен қызметкерлері оқ жарақатын алды, - деп хабарлайды Tengrinews.kz Алматы облысы Полиция департаментіне сілтеме жасап.

Демалушылар атысты видеоға түсірген және полиция шақырған.

Ведомстводағылардың айтуынша, 31 қазанда сағат 15.50-де Іле ауданының кезекші бөліміне "Поляна" демалыс орнында атыс болғаны туралы хабарлама түскен. Полицейлер оқиға орнына жеткенде сағат 15.00-ге қарай медициналық маска таққан 15-20 адам демалыс орнына келгені және сол жерде мекеме иесімен - 1980 жылы туған ер адаммен жанжалдасып қалғаны анықталады. Содан соң олар оқ атқан.

"К.Н. Кузнецовтың ішіне оқ тиген (резеңке оқ), сондай-ақ демалыс орнының қызметкерлері 1980 жылы туған М.С. Слямовқа (сол аяғына), 1994 жылы туған Я.А. Помазковқа (оң аяғына) оқ тиген. М. Слямов және Я. Помазков Алматы қаласындағы № 4 ауруханаға жеткізілді", - деді полициядағылар.

Белгісіз адамдар оқиға орнынан сұр түсті Mercedes w140 және ақ түсті Mercedes көлігімен қашып кеткен.

"Аталған дерек ҚР ҚК 293-бабының 3-бөлігі бойынша сотқа дейінгі тергеудің бірыңғай тізіліміне тіркелді. Оқиға орнанан 2 - 9 мм, 2 - 5,45 мм болатын 4 оқсауыт, резеңке оқ табылды", - деп қосты ведомстводағылар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#Алматы #атыс