Оқиғалар 12.11.2020 сағат 13:00

«Түйе көліктің ішіне кіріп кеткен»: Маңғыстауда жол апатынан әйел адам көз жұмды (ФОТО)

Көліктің үй жануарына қатты соғылғаны сонша, түйенің бас жағы көліктің үстіне шығып кеткен, ал денесінің төменгі жағы салонға кірген.
«Түйе көліктің ішіне кіріп кеткен»: Маңғыстауда жол апатынан әйел адам көз жұмды (ФОТО)
Фото: Sputniknews.kz
Бөлісу
Бөлісу
Бөлісу

Маңғыстау облысында жеңіл көлік түйеге соғылды. Жол апатынан жүргізушінің жанында отырған әйел қайтыс болды, деп хабарлайды Sputnik Қазақстан облыстық полиция департаментіне сілтеме жасап.

Ресми мәліметке сәйкес, жол апаты 11 қарашада болған. Мercedes-benz көлігінің жүргізушісі жолға шығып кеткен түйені байқамай қалған. Содан автомобиль қатты жылдамдықпен жануарға соғылды. 

"Жол апаты, шамамен, кешкі сағат 19:15-те Ақтау-Құрық тас жолында болған. Жолаушы әйел оқиға орнында көз жұмды. Ал жарақат алған көлік жүргізушісін Маңғыстау облыстық ауруханасына жеткізді. Осы оқиға Мұнайлы аудандық полиция бөлімшесіне тіркелді", - дейді полицейлер.

Айта кетейік, әлеуметтік желілерде жол апатына ұшыраған көліктің фотолары тарап жүр. Автомобильдің үй жануарына қатты соғылғаны сонша, түйенің бас жағы көліктің үстіне шығып кеткен. Ал денесінің төменгі жағы салонға кірген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар