Оқиғалар 07.02.2021 сағат 21:05

60 мың теңгеге мысық сатып алмақшы болған қарағандылық сан соғып қалды

Қазіргі уақытта полиция қызметкерлері аталған азаматшаның осыған ұқсас басқа да ашылмаған қылмыстарға қатыстылығын тексеруде.
60 мың теңгеге мысық сатып алмақшы болған қарағандылық сан соғып қалды
Бөлісу
Бөлісу
Бөлісу

Қарағандылық полицейлер тағы бір интернет-алаяқты қолға түсірді, – деп хабарлайды Polisia.kz.

 25 қаңтар күні Қарағанды қалалық Полиция басқармасына қарасты Киров полиция бөліміне 49 жастағы қала тұрғыны шағымданды. Жәбірленуші азаматша өзіне мысық сатып алмақшы болған. Осы мақсатта әлеуметтік желіге кіріп, интернеттің көмегімен үй жануарын сатамын деген жарнамаларды іздеп тапқан.

 Ол жарнама иесімен желі арқылы хабарласып, мысықтың бағасына келіскеннен кейін сатушының есепшотына 60 мың теңге ақша аударған. Алайда уәде етілген уақытта мысық жеткізілмегендіктен, алаяқтың құрбанына айналғанын түсінген азаматша дереу полицияға жүгінген. 

Аталған факт бойынша Қазақстан Республикасы Қылмыстық кодексінің 190-бабына (Алаяқтық) сәйкес қылмыстық іс қозғалды. 4 ақпан күні криминалдық полиция қызметкерлері жүргізген жедел-іздестіру іс-шаралары барысында осы іске қатысы бар деген күдікпен Теміртау қаласының 20 жастағы тұрғыны анықталып, ұсталды. Ұсталған азаматша қылмысын мойындады.

Қазіргі уақытта полиция қызметкерлері аталған азаматшаның осыған ұқсас басқа да ашылмаған қылмыстарға қатыстылығын тексеруде.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар