«Бұл шешімді қабылдау оңайға соқпады»: Айжан Байзақова оқырмандарын елең еткізді (ФОТО)

Танымал блогер Айжан Байзақова Астана қаласына қоныс аударғанын айтты, деп жазады Skifnews.kz ақпарат порталы.

Атышулы блогер өмірінде болып жатқан өзгеріс жайлы Instagram парақшасы арқылы хабарлады. Байзақова күйеуінің ата-анасымен алғаш танысқан кезде балалы болған соң Астанаға көшіп келуге уәде берген екен. Сондықтан желі жұлдызы сөзінде тұрып, ата-енесінің қасына көшкен.

Біз Астанаға көшіп жатырмыз. 2022 жылы Нұрбектің ата-анасымен танысуға келген кезде әкесіне «баламыз пайда болғанда келеміз» деп уәде берген болатынмын. Бірақ ол кезде ата-енем бізге Алматыға көшіп келеді деген үмітпен айтқан едім. Асад дүниеге келгелі ата-анамыз Алматыда біздің қасымызда болды. Бұл уақытта ол кісілерге қатты үйреніп қалдым. Сосын уәдемізде тұрайық деп шештік. Бұл шешімді қабылдау оңайға соқпады. Мен Алматыны сүйемін. Астанадан үнемі қашатынмын. Бірақ отбасыммен бірге болғым келді. Бұйыртса Алматыға қонаққа келіп тұрамыз, – деді Айжан.