«Маған тиісе бермесін»: Төреғали полицейлерді мерекемен құттықтап, министрге әзілдеді (ВИДЕО)

Әнші Төреғали Төреәлі Қазақстан полициясы күніне арнайы ән жаздырып, бейнебаян түсірді, деп хабарлайды Skifnews.kz ақпарат порталы.

Ол мерекелік жиындардың біріне полицейлерді құттықтап барған. Жиынға Ішкі істер министрі Ержан Сәденов те қатысқан.

"Мені танып тұрсыздар ма? Мен де сіздерді жақсы көріп, біліп тұрмын. Құрметті Ержан аға, сізбен осындай керемет жерде көрісіп тұрғаныма қуаныштымын. Маған тиісе бермесін, мына кісілерге айтып қойсаңыз. Еліміз аман, жұртымыз тыныш болсын!" – деп әзілдеді Төреш.

Сахнада жаңа әннің де тұсауы кесілсе керек.

"Құттықтауға Төрештей ұл келгені,

Бір екі ауыз қалжыңдап үлгергені.

Өзінің мейрамында қызық болды-ау

Полиция арудың гүл бергені!" – деп жазды ол.