Джей Ло 2,5 млн доллар гонорар алды — оның тамағына ғана 37 мың доллар кеткен

Америкалық поп-дыбысы Дженнифер Лопес Астанадағы шоуынан кейін Ереванға ұшып барды. Әнші 3 тамыз күні Армения астанасындағы Республикалық стадионда UP ALL NIGHT турының аясында өнер көрсетеді, деп хабарлайды Skifnews.kz ақпарат порталы. 

Армян БАҚ-ының хабарлауынша, концертке әлемнің түкпір-түкпірінен 15 мыңнан астам жанкүйер келген. Концерттің жалпы бюджеті – 6 млн доллар. Бұл қаражат 2023 жылы өтпей қалған Снуп Догтың шоуына бөлінген, кейін Лопестің концертіне бағытталған. Жалғыз Джей Лоның өзі бұл кештен 2,5 млн доллар пайда тапқан.

Бірақ бұнымен тоқтамайды – ұйымдастырушылар қалған соманы да жіліктеп тастаған:

• $185 000 – әншінің командасын қонақ үйге орналастыру
• $37 000 – Джей Лоның екі күндік тамағы
• $15 000 – шоу продюсерінің гонорары
• $76 400 – техникалық директордың қызметі
• $26 800 – көлік, логистика және қабылдау тобының жалақысы
• $15 600 – сатып алу бойынша кеңестер
• $11 400 – заңгерлік қызметтер
• $11 400 – бухгалтерлік шығындар
• $22 100 – көлік жалдау және жабдықты тасымалдау

Армениялықтар арасында бұл шығындар қоғамда қызу талқыланып жатыр. Әсіресе, екі күнге арналған ас мәзірінің құны – 37 мың доллар деген ақпарат жұрттың жағасын ұстатты.