«Мұрат Қожамен ән салып отыр»: Көпшілік Роза Әлқожаның денсаулығына алаңдаулы (ВИДЕО)

Роза Әлқожа мен Мұрат Қожа бірге ән айтып отырған сәттен түсірілген видео әлеуметтік желіде кеңінен таралып, көпшіліктің назарын аударды. Бейнежазбада қос өнерпаздың еркін форматта, шынайы көңіл күймен ән шырқап отырғаны көрінеді. Желі қолданушылары олардың жарасымды дуэтіне сүйсініп, жылы пікірлер қалдыруда, деп хабарлайды Sn.kz ақпарат порталы.

Алайда видеоны көрген кейбір оқырмандар Роза Әлқожаның сырт келбетіндегі өзгерістерге назар аударып, әншінің салмағы азайғанын байқаған. Осыған байланысты желіде «Денсаулығы жақсы ма екен?», «Арықтап кетіпті, уайымдап қалдық», «Өзі бұрынғыдан да нәзік көрінеді» деген мазмұндағы алаңдаушылық білдірген пікірлер көбейе бастады.

Сонымен қатар, жанкүйерлердің бір бөлігі әншінің шығармашылық белсенділігіне тоқталып, соңғы уақытта сахнадан жиі көрініп жүргенін айтып, мұндай өзгеріс гастрольдік сапарлар мен тығыз жұмыс кестесінің әсері болуы мүмкін деген болжамдарын жазуда. «Өнер жолында жүрген адамға оңай емес, бастысы – денсаулығы аман болсын» деген тілектер де жиі кездеседі.

Әзірге әнші бұл мәселеге қатысты ресми түсініктеме берген жоқ. Дегенмен желіде тараған видео көпшілікке жағымды әсер қалдырып, қос өнерпаздың бірлесіп орындаған әні тыңдарман көңілінен шыққанын аңғартады. Жанкүйерлер Роза Әлқожаның жағдайы жақсы болуын тілеп, оның жаңа шығармашылық жұмыстары мен сахнадағы белсенділігін асыға күтіп отыр.