«Қазір келмесең өлемін»: Қайрат Нұртастың анасы ұлына ғашық бойжеткен жайлы айтты

Қайрат Нұртасқа ғашық қыздардың бірі әншіге телефон шалып, өлетінін айтыпты. Бұл туралы продюсер Гүлзира Айдарбекова өзінің Instagram әлеуметтік желісіндегі парақашсында жазды.

Қайрат Нұртас ол кезде небәрі 18 жаста екен. «Арман» әнімен танымал болған әншіге жас қыз хабарласып, жанына келуін талап етіпті.

«Телефонына бір жас қыз қоңырау шалып, «Қайрат мен тек сені ойлаудан, сенің әндеріңді тыңдап, сені күтуден шаршадым. Еш жерге сияр емеспін, дәл қазір келмесең, балконнан секіріп өлемін» дейді. Оны тыңдап тұрған Қайрат, әлгі қызға: «Өлмеші! Мен біреу ғанамын. Сендер көпсіндер ғой» деп жалынып жатыр.

Тұтқаны қойған соң, «Танымайтын біреу ғой. Бірақ өліп қалса не істеймін? Мені қамап тастай ма?» деген сауал қойды», − деп Гүлзира Айдарбекова ұлының бұрынғы аңғалдығын еске алды.