$ 444.22 € 476.38 ₽ 4.82
Алматының Алатау ауданында жол-көлік оқиғасы болды. Көпірде Volkswagen мен Toyota соқтығысып, соның салдарынан көліктің бірі төменге құлап кетті, деп хабарлайды "ҚР ІІМ жаңалықтарының" Telegram-арнасы.
Полицияның хабарлауынша, екі көлік те Рысқұлов даңғылының бойымен батыс бағытта жүріп келе жатқан.
"Volkswagen көлігінің жүргізушісі маневр жасау барысында Toyota көлігімен соқтығысқан. Ол көпірдің тірегіне соғылып, жолдан шығып кетіп, аударылған", – дейді тәртіп сақшылары.
Toyota көлігінде жүргізуші мен бес жолаушы болғандығы анықталды. Олар медициналық тексеруден өту үшін қалалық ауруханаларға жеткізілді. Оқиғаның мән-жайы тергеу барысында анықталады.
Назар аударыңыз! Видеода жантүршігерлік көріністер бар
